ڈومیسٹک ٹی ٹونٹی کرکٹ ٹورنامنٹ یکم ستمبر سے راولپنڈی اور اسلام آباد میں کھیلا جائے گا ، فاسٹ بائولر محمد عامر ایونٹ میں راولپنڈی ریمز کی نمائندگی کریں گے ۔ تفصیلات کے مطابق پاکستان کے ڈومیسٹک سیزن کا آٓغاز اس مرتبہ قائد اعظم ٹرافی کی بجائے ٹی ٹونٹی ٹورنامنٹ سے ہو رہا ہے ۔ 16 ڈومیسٹک ٹیموں کے درمیان یکم سے 15 ستمبر تک میلہ راولپنڈی اور اسلام آباد میں سجے گا ۔ ایونٹ کے میچز راولپنڈی کرکٹ سٹیڈیم اور ڈائمنڈ کرکٹ گرائونڈ اسلام آباد میں کھیلے جائیں گے ۔ مختصر فارمیٹ کا رواں برس یہ دوسرا ایونٹ ہے ۔ اس سے پہلے فیصل آباد میں کھیلا گیا سپر ایٹ ٹی ٹونٹی ٹورنامنٹ سیالکوٹ سٹالینز نے اپنے نام کیا تھا ، راولپنڈی میں ہونے والے ڈومیسٹک ٹی ٹونٹی ٹورنامنٹ میں فاسٹ بائولر محمد عامر راولپنڈی ریمز کی نمائندگی کریں گے ۔ سپا ٹ فکسنگ کیس میں بری ہونے والے محمد عامر کو اچھی کارکردگی کا سلسلہ انٹرنیشنل کرکٹ میں واپسی کی صورت میں مل سکتا ہے ۔
No comments:
Post a Comment